09 Januar 2006

AntiAidsJuice aka Baileys

Da ja s Ränne uf de BlächKing Titel neu entfacht isch und ich min Titel im 06(null sex?!) verteidige sett mach ich mal en Bläch-Post wo us nur Wahrheit bestaht, ok zu 90% will chli übertriibe muss mer ja au, nöd? Wenn der Übertriibig nöd gfallt denn musch eh mini Posts nöd läse Njutte!
Im Post gats um e medizinischi Weltneuheit, erfunde vo mir und drüü Homies vo mim "Block" au wenni immene Eifamiliehuus wohne höhö.
Mini medizinisch usbildete Homies, wo als Zimmerma- & Schriiner Lehrling und als ETH-Student tätig sind, sind keineswägs unterläge i Sach Bläch schnurre. Vorallem de Zimmerma isch eine vo de Behinderdste wos git ;) Namentlich wärdets nur erwähnt als Sämi aka Zimmerma, Marco aka ETH-Student und Mömel (fröged mi nöd wie de zu dem Behinderte Spitzname cho isch) aka Schriiner. Wie au immer die so wiit cho sind i ihrem Läbe weiss keine, das isch genau so es Gheimniss wie bi mir. Vilicht chönd eusi Müetere eifach zu guet Blaase ;)
Also d Gschicht hät so agfange(ich wechsle jetzt mal nöd id Hochsprach, will s ja e wahri Gschicht isch):

D Homies und ich sind am Samstig abig uf Winterthur, au bekannt als Lil' Pristina, ah es Rock-Konzert vo eme Nachber. Das ganze hät scho lustig agfange, denn wo mer is Albani inne chömmed, nei ohni kak de "Club" heisst so ^^, gömmer ad Bar go Bier chaufe, und uf de Bar liit en übelscht druffne (Ziit: ca. 20:15) mir lueged en ah und denked eusi Weltberiichernde Sache. Den luegt de Penner uf und seit zum Sämi, wo näbed mir staht:"HHHeeey du, bisch du vo Geburt uf so nervöööös?" sämi:"waas? ich verstah dich nöd, tschuldigung tschüss!" das isch s erste Highlight gsi vo dem Abig, denked jetzt nöd, dass das scho alles seg, das isches no lang nöd! Während em Konzert chunnt de Mömel zum gech1llte Sofa z'laufe und hockt uf de Tisch näbed dra. E Kollegin vom Marco chunnt chli go ummebläche zu eus, sie hebi vorher usversehe de Mömel wäggschuft, will si heb welle dure laufe. Min sehr intelligente Kommetar dezue isch gsi:"UUUUU hät si di voll Bumst?!" di ander, wo grad mit em Marco diskutiert schreit 1 Sekunde nach mim Kommentar:"Jaaaaaaaaaaa" dur de ganzi Club dure(1. Übertriibig). Die nöchste Schritt sind klar, es ändet ime Lachahfall vom Sämi und mir.

Vo dem Ziitpunkt ah gats nur no Bachab, mir sind mit em letschte Zug und Bus nach Embrach gfahre, was au bekannt isch under "Em-Bronx" det simmer bim Gmeindshuus usgstige, will de fuckin' Bus nümm witergfahre isch:"jetzt gat er is Depo!" mir natürli hell begeistered das mer jetzt hei laufe dörfed, stiiged us. Mömel:"wuaaa wemmer scho wiedermal in Embrach sind legemer all de Gangsta schritt uf!" Sämi und ich checkets natürli grad, will mir det mal id Schuel sind und mached de Sageumwobeni "2-Pac-Schritt"...genau idem schwächste Momment chunnt am Mömel sini Schwöster, aka "langsam schissts mi wüüüürkli ahhh*" mit em Auto an Strasserand gfaahre und nimmt eus mit. Klaar isch ihre ufgfalle, dass mir wie di behinderste Mongos umegloffe sind und eus isches üsserst Peinlich.Ihre ersti satz zu eus:"Hallo, wie laufed den ihr umme? Sinder bekifft?" Dänn simmer zum Mömel gange und händ no es Trinkspieli gmacht bis de Sämi fascht het möse chotze (Ziit: ca. 01:50). Dänn is loos gange mit Bläch:
Wies so isch bi Halberwachsene Männer es gat um Fraue, Sex und de Pussyjuice. All kenned die Sprüch vom Milorad wie:"was häsch gschmöckt?" - "Pussyjuice!!" - "Woooaaaa" und drum is denn los gange mit so Seich. Klar simmer denn langsam ufs Thema Aids cho. und da ich mir grad es Shot-Glas mit Baileys igschenkt han und ich perfekt in Blächstimmig gsi bin hani s Gägemittel vo Aids usegfunde. Jetzt lachsch vilicht, aber es würkt 100%, oder ämmel sicher 90% wenns nöd 10% sind oders au gar nüt nützt, würksam. Also zu minere Ruhm und Ca$h bringende These:
Aids wird überträge dur Sex, also durd Körperflüssigkeite, also de Pussyjuice und de Penisjuice(neukreation) aber wie chammer das ganze Schütze, so das kei Gfülsverlüst git? Klar! Mer muess eine vo dene beide Juices als Desinfektionsmittel bruuche und was isch da ächt s naheligenste gsi, wo süess isch und glich desinfiziert? Klar! De Baileys! Doch wie duet mer de Pussyjuice dur Baileys ersetze? So viel drinke chann e Frau au nöd das de Juice sich änderet. Also verwendet mer de Baileys als Vaseline. Isch doch genial nöd?! Es git fasch kei Näbewürkige, usserd das d Riiibig verdrüüfacht wird, was wiederum ade beteiligte vom Liebesspiel Spass chönnt mache, doch Riibig = Wärmi, Wärmi + Alkohol = Feuergefahr. Das ganze chann den usarte wenn de Juiceliferant nöd rasiert isch, das Züüg brännt wie Zunder hani ghöört(2. übertriibig) die zweit Näbewürkig isch, dass du nachem gnüsse vom Juice nümme dörfsch Autofahre, willd mindestens 1 Promille häsch. Doch das isch ja nöd so wild, will welle fahrt nachem Bumse grad Auto, da mus doch nachli gekuschelt werde nöd? Voll nid man, nacher gat en aständige Eggechopf go raaase mit sim M3! Also doch es Problem. Die ganz These isch den ufem 30 Minütige Heiwäg no chli verfiineret worde, damit au ja alles passt wemmer die Sensation ad Öffentlichkeit bringt. (Ziit: ca. 02:50) De sämi isch no ufd Idee cho das ganze ade Schwöster vom Mömel go teste z'ga(3. Übertriibig) und hät wortwörtlich de Satz gseit:"Ey Mömel bis chli Ruhig, sust wird dini Fründin no zerweckt, und den merkt sis wemmer si bumsed!" ääähm ja Fründin = Schwöster und zerweckt = verwache. Dütsch isch ebe schwierig :)
Das Ganze hämmer den AntiAidsJuice gnännt. Da gset mer wie wiit mer mit Alk, Fantasie und 0 ahnig vo Anatomie vom Mensch hi chunnt. Weltruhm, Ehre, Stolz und vorallem Ca$h ;)

*am Mömel sini Schwöster heisst so, will sie am 1.1.06 hei cho isch, de Schlüssel vergässe hät, natürli voll bsoffe gsi isch und ade Tüür glüütet hät. De Vater hät ufgmacht und si seit nöd das wo en normale Mennsch als ersts wür säge:"Hooiiii, guets Neus!" sondern:"Langsam schisst mi würkli ah mit eu!!!" hahahahaha, ich vereck :)
Klar häts um die Gschicht umme tusigi vo Jokes gä wo zum hüüle geil gsi sind numme weissi die nümme genau, und mir fähled d Mittel zum da alles ufzschriibe ;)

1 Kommentar:

dauton hat gesagt…

omg, arme siech, langsam schiesst mi würkli a ... wuha weltklass ^^